Регионите на јужниот дел на Урал годинава се соочија со невидени поплави. Најтешка е ситуацијата во регионот Оренбург, каде што во петокот, на 5 април, пукна браната што го штитеше Орск од реката Урал
Нова брана ќе се гради во рускиот град Орск, објавија гувернерот и владата на регионот Оренбург на Телеграм.
„Ирек Фаизулин (шеф на Министерството за градежништво) ја поддржа намерата претходно изразена од гувернерот Денис Паслер за изградба на нова брана. Како што е наведено, новата структура мора да биде направена така што ќе има сила да издржи толку голема количина на вода“,
соопштија властите, пренесе РИА Новости.
Оттаму додале дека при изградба на нова брана потребно е да се користат соодветни материјали и инженерски решенија, а потребно е да се води сметка и за соодветната големина на конструкцијата.
Претходно денеска беше објавено дека по намалувањето на испуштањето вода во акумулацијата Ириклин, нивото на реката Урал во Орск почна да паѓа, а водата почна да ги напушта поплавените подрачја.
Регионите на јужниот дел на Урал годинава се соочија со невидени поплави. Најтешка е ситуацијата во регионот Оренбург, каде што во петокот, на 5 април, пукна браната што го штитеше Орск од реката Урал.
Властите извршија масовна евакуација на жителите од Стариот град, а во тој регион беше воведена вонредна состојба.
Според регионалната влада, штетата од поплавите може да изнесува 21 милијарда рубли.
Вонредната состојба е во сила и во регионите Курган и Тјумен. Нивото на водата во реката Тобол, според прогнозите на Рошидромет, ќе надмине 11 метри.
Во некои општини почна превентивна евакуација на населението. Властите во соседен Казахстан наведуваат дека сегашните поплави се најлоши во последните 80 години, а во некои региони на земјата е прогласена вонредна состојба.