Како што најавуваат од УХМР, поради очекуваните натпросечни температури за овој период од годината, наместа ќе се активира и црвено ниво на опасност
Топло време, со натпросечни температури кои ќе достигнат и до 41 степен, се очекуваат од утре и во следните денови, а за денеска попладне има најава за пороен дожд со грмежи и засилен ветер.
Од УХМР информираат дека од утре во следните денови, под влијание на топла воздушна маса од југ времето ќе биде многу топло со натпросечни температури за овој период од годината. Температурата во повеќе места ќе биде над 35 степени.
Најтопло ќе биде во четврток и во петок кога температурата наместа ќе надмине 40 степени и ќе биде активирано портокалово, а во некои делови и црвено ниво на опасност од високи температури.
Утре температурата ќе се движи од 32 до 40 степени, во четврток и петок од 34 до 41 степен, сабота од 33 до 40 степени, недела од 32 до 39 и во недела од 31 до 38 степени.