На седницата на општинскиот Совет денеска присуствувал и директорот на Јавното претпријатие „Градски паркинг“ кој дал детални информации за планот и за организирање на паркирањето, а ги информирал советниците околу придобивките, условите и привилегиите
Општина Карпош ќе воведува зонско паркирање, најавија локалните власти откако денеска на седница на Советот била започната процедурата.
„Денес, на седница на Советот на општина Карпош беше усвоена Предлог- одлуката за регулирање на наплата на комунална такса по основ организирање на зонско паркирање на дел од јавните паркиралишта на подрачје на општина Карпош. Ова значи почеток на процедурата за решавање на проблемот со паркирањето на територија на општината и воведување на зонско паркирање“,
велат од Општината.
На седницата присуствувал и директорот на Јавното претпријатие „Градски паркинг“ Бојан Христовски кој дал детални информации за планот и за организирање на паркирањето, а ги информирал советниците околу придобивките, условите и привилегиите.
Според соопштението, за жителите паркирањето ќе биде бесплатно.
„Христовски информираше околу придобивките, условите и привилегиите т.е. бесплатно паркирање на жителите на општината кои се наш приоритет. Во иднина, истакна Христовски, претпријатието изразува подготвеност за уредување паркиралишта во останатиот дел од општината, по претходно барање од страна на жителите на општината“,
велат од Општина Карпош.