Според челникот на одморалиштето Кран-Монтана, во барот „Ле Констеласион“ не била спроведена инспекција од 2019 година, што предизвика силна реакција од кантоналниот премиер Матијас Рејнар
Лидерот на швајцарскиот кантон Вале изрази гнев поради фактот што локалните власти со години не извршиле инспекциски проверки во барот во кој во пожар загинаа 40 млади луѓе.
Според челникот на одморалиштето Кран-Монтана, во барот „Ле Констеласион“ не била спроведена инспекција од 2019 година, што предизвика силна реакција од кантоналниот премиер Матијас Рејнар.
„Бев лут поради овие сериозни пропусти. И мислам дека е нормално да се биде лут, но мора да ѝ дозволиме на правдата да си го направи своето“,
изјави Рејнар.
Изолациската пена во подрумот на барот, каде што избувна пожарот за време на новогодишната прослава, требало да биде проверувана согласно законските прописи, што е во спротивност со изјавите на челникот на Кран-Монтана.
Обвинителството во петокот му одреди притвор на Жак Морети, еден од двајцата француски сопственици на барот, а судот во наредниот период треба да одлучи дали ќе му биде изречен и формален притвор.
Истражните органи ги испитуваат сопствениците под сомнение за кривични дела, вклучително и убиство од небрежност. Семејствата на жртвите веќе поднеле тужби поврзани со пожарот.
„Одговорните ќе мора да сносат последици, вклучително и надлежните институции“,
изјави Рејнар.