На 12 февруари, Илијана Јотова го назначи заменик-гувернерот на Бугарската народна банка (БНБ), Андреј Ѓуров, за привремен премиер и му ја довери задачата да предложи кабинет. Според Законот за БНБ, ако гувернерот или заменик-гувернерот изразил експлицитна согласност да биде назначен за привремен премиер, тој мора да поднесе оставка
Кандидатот за привремен премиер, Андреј Ѓуров, ѝ го претстави кабинетот на претседателката Илијана Јотова, по што шефицата на државата објави дека ќе издаде декрети за назначување привремена влада и закажување избори за 19 април, објави БТА.
„Ќе издадам указ за назначување на вашиот привремен кабинет и ќе ја чекам вашата заклетва пред Народното собрание. Исто така, ќе издадам указ за одржување парламентарни избори на 19 април“,
рече Илијана Јотова, пренесе БТА.
За привремени членови на кабинетот се предложени:
- Андреј Ѓуров – премиер
- Андреј Јанкулов – вицепремиер и министер за правда
- Марија Недина – вицепремиер и министер за европски фондови
- Стоил Цицелков – вицепремиер и министер за фер избори
- Надежда Нејнски – министер за надворешни работи
- Атанас Запрјанов – министер за одбрана
- Георги Клисурски – министер за финансии
- Емил Дечев – министер за внатрешни работи
- Иван Христанов – министер за земјоделство и храна
- Анѓелина Тодорова-Бонева – министер за регионален развој и јавни работи
- Корман Исмаилов – министер за транспорт и врски
- Хасан Адемов – министер за труд и социјална политика
- Атанас Запрјанов – министер за одбрана
- Ирена Младенова – министер за иновации и раст
- Сергеј Игнатов – министер за образование и наука
- Михаил Околијски – министер за здравство
- Најден Тодоров – министер за култура
- Јулијан Попов – министер за животна средина и води
- Ирина Штонова – министер за економија и индустрија
- Трајчо Трајков – министер за енергетика
- Георги Шарков – министер за електронско управување
- Ирена Георгиева – министерка за туризам
- Димитар Илиев – министер за млади и спорт.
На 12 февруари, Илијана Јотова го назначи заменик-гувернерот на Бугарската народна банка (БНБ), Андреј Ѓуров, за привремен премиер и му ја довери задачата да предложи кабинет. Според Законот за БНБ, ако гувернерот или заменик-гувернерот изразил експлицитна согласност да биде назначен за привремен премиер, тој мора да поднесе оставка.
Новото изјаснување на бугарските граѓани на 19 април ќе биде осмо од 2021 година.
По протестите на крајот од минатата година, владата на премиерот Росен Жељазков поднесе оставка, а Румен Радев (претседател во периодот 2017-2026) одржа консултации со составите во парламентот.
На почетокот на оваа година Радев предаде три мандати за формирање влада – на ГЕРБ-СДФ, Промените продолжуваат – Демократска Бугарија и Алијанса за права и слободи, но сите три беа веднаш вратени неисполнети, што стави до знаење дека ќе има предвремени парламентарни избори.