Додека Николај Василев се чувствува подготвен да ја преземе фунцијата, истражувачките новинари почнуваат да вадат „скелети“ од неговата гардероба. Поседуваат документи според кои Василев бил човекот што менаџирал со средства на поранешната бугарска тајна полиција и со пари на агент Румјанцев
Николај Василев, кандидатот за прв човек на бугарската влада предложен од партијата „Има таков народ“, во изјава за „24часа“ посочи дека очекува да ја добие поддршката од парламентот.
„Ја прифатив понудата да бидам кандидат за премиер. Никогаш не сум се чувствувал поподготвен за тоа“,
вели Василев.
Конститутитивната седница на новото 46. Народно собрание на Бугарија се очекува да одржи следната среда. Веднаш по седницата, претседателот на Бугарија, Румен Радев, ќе му го врачи мандатот за состав на владиниот кабинет на фронтменот на „Има таков народ”, со оглед дека тоа е партијата што освои најголем број гласови на изборите кои се одржаа во неделата.
Николај Василев менаџира со тајни фондови на бугарската државна безбедност
Во меѓувреме, интернет-порталот за истражувачко новинарство „Бивол“, кој важи и за бугарска варијанта на Викиликс, лиферуваше интригантни документи, според кои, токму Николај Василев има матни зделки, односно управува со фондови на Државната безбедност и на агентот Румјанцев, кој е всушност банкарот Атанас Тилев, некогашен сопственик на Банката за земјоделски кредити, која пропаднала во 1997 година.
Оттаму велат дека ова се само основни документи, а многу скоро на јавноста ќе и презентираат целосна слика за тоа што всушност се случува зад кулисите. Тие тврдат дека ќе откријат кој од „фрижидер за длабоко замрзнување“ сака повторно да ја изнесе и преформатира на политичката сцена ПГУ-агентурата на комунистичката тајна полиција и планира конечно и потполно да завладее со Бугарија.