Шефот на британската дипломатија, кој се сретна со украинскиот претседател Володимир Зеленски во Киев, рече дека Русија започнала напад врз Украина, а Украина има „апсолутно право да возврати на Русија“
Британскиот министер за надворешни работи Дејвид Камерон изјави дека Украина треба да одлучи како ќе го употреби британско оружје и нагласи дека Киев има право да погодува цели на руска територија, објави Би-би-си.
За време на посетата на Киев, тој рече дека Британија ќе и дава на Украина три милијарди фунти (околу 3,5 милијарди евра) годишно, колку што е потребно.
„Исто како што Русија напаѓа внатре во Украина, можете сосема да разберете зошто Украина чувствува потреба да ја осигура својата одбрана“,
рече Камерон.
Шефот на британската дипломатија, кој се сретна со украинскиот претседател Володимир Зеленски во Киев, рече дека Русија започнала напад врз Украина, а Украина има „апсолутно право да возврати на Русија“.
Портпаролката на руското Министерство за надворешни работи Марија Захарова реагираше дека изјавите на британскиот министер за надворешни работи се признание дека Западот води војна против Русија користејќи „украински раце“.
„Зборовите на Камерон се уште еден доказ за хибридната војна што Западот ја води против нашата земја. Русија реагира на тоа и ќе продолжи да одговара“,
рече Захарова.
Портпаролот на Кремљ Дмитриј Песков, истакна дека ова е „директна ескалација на тензиите околу украинскиот конфликт, што потенцијално претставува закана за европската безбедност“.