Ваквата нејзина реакција следи откако изминатата ноќ руските сили извршија голем воздушен напад на повеќе региони во Украина, во кој загинаа најмалку 13 лица
Високата претставничка на Европската Уника за надворешни работи и безбедносна политика, Каја Калас денеска ги повика европските земји да извршат, како што рече, најсилен притисок врз Русија.
Ваквата нејзина реакција следи откако изминатата ноќ руските сили извршија голем воздушен напад на повеќе региони во Украина, во кој загинаа најмалку 13 лица.
Според неа, нападите повторно покажуваат дека Русија е наклонета кон повеќе страдања и уништување на Украина.
„Потребен ни е најсилен меѓународен притисок врз Русија за да ја запре оваа војна“,
напиша таа на Икс.
Посочи дека е поразително е кога ќе се види дека меѓу повредените и жртвите има и деца.
Last night's attacks again show Russia bent on more suffering and the annihilation of Ukraine. Devastating to see children among innocent victims harmed and killed. My thoughts are with the families today.
— Kaja Kallas (@kajakallas) May 25, 2025
We need the strongest international pressure on Russia to stop this war.
Голем воздушен напад на повеќе региони во Украина спроведе Русија во текот на ноќта користејќи ракетни и беспилотни летала, што предизвика човечки жртви и значителна материјална штета.
Во нападите загинаа најмалку 13 луѓе, а повеќе од 50 беа повредени. Меѓу жртвите има и три деца кои загинале во украинскиот регион Житомир.