Ова во своето видеообраќање на „Преспа форумот за дијалог“ го кажа еврокомесарот за проширување и соседска политика Оливер Вархеји, кој истакна дека, како што Грција и Северна Македонија можеа да го надминат нивниот спор и да го решат со заеднички договор, се очекува и од Бугарија да ги зајакне своите напори и да го направи истото
Денес, како што ја славиме четиригодишнината од потпишувањето на Преспанскиот договор, важно е да се нагласи дека како што Грција и Северна Македонија можеа да го надминат нивниот спор и да го решат со заеднички договор, очекуваме Бугарија да ги зајакне нејзините напори и да го направи истото.
Ова денеска го кажа еврокомесарот за проширување и соседска политика, Оливер Вархеји во видеообраќањето на панелот „65 години по Договорот од Рим: Дали Европа е целосно економски обновена и интегрирана?“, во рамки на „Преспа форумот за дијалог“ што се одржува во Охрид
Западен Балкан припаѓа во Европа, нагласи Вархеји, и додаде дека лидерите на ЕУ едногласно ја изразија поддршката за европската перспектива на регионот и оти соработка со западнобалканските партнери е геополитички избор на ЕУ.
„Ова се тешки времиња за нашите економии, прво се соочуваме со пандемијата со ковид-19 потоа се соочивме со руската воена агресија во Украина. Последиците од војната се видливи и пошироко во регионот. Високите цени на енергентите се предизвици со кои се соочуваме глобално. Ве уверувам дека Западен Балкан останува наш приоритет, ова е причината поради која го вклучивме Западниот Балкан во нашите политики за олеснување на кризите со гас и храна. Ќе ја намалиме зависноста од руските фосилни горива, на пример со учество на европската енергетска платформа, исто така го вклучивме Западниот Балкан и за подготвеноста за криза со храна, за да координираме за достапноста на храна“,
истакна Вархеји.
Инвестицискиот план за Западен Балкан, како што кажа еврокомесарот, ќе мобилизира над 30 милијарди евра во следните седум години, со цел, како што рече, за да се зголеми БДП на регионот на два проценти, и ќе се забрза интеграцијата.
„Имплементацијата на планот е во полн ек, веќе ги подготвивме првите 21 инвестициски план со вкупна вредност од 3,2 милијарди евра и 1,1 милијарда евра грантови преку ИПА-фондови. Веруваме дека со забрзувањето на економскиот инвестициски план се движиме во вистински правец за зајакнување на конективноста за зајакнување на нашите економи позелени и подигитални и така ќе се намали зависноста од руските фосилни горива и ќе се спротивставиме на дезинформациите во регионот. Отвораме можности за младите и жените во општеството за нашите земји и општества да бидат поотпорни“,
додаде Вархеји во видеообраќањето на „Преспа форумот за дијалог“ во Охрид.