Но без оглед на загубата, тој сепак и натаму е вториот најбогат човек на светот, после Џеф Безос
Основачот на компаниите „Спејс Икс“ и „Тесла“, Илон Маск изгуби скоро четири милијарди долари во текот на изминатиот ден, покажува Индексот на милијардери на Блумберг (ББИ).
Ова не е прв пат Маск да изгуби огромни суми пари. Тоа му се случи и пред две години кога загуби 16 милијарди долари за еден ден, поради падот на акциите на компанијата „Тесла“. Тоа е воедно и најголема загуба во историјата на Индексот на милијардерите Блумберг, забележана во еден ден.
Според податоците на ББИ, богатството на Маск сега е помало за 3,95 милијарди долари и изнесува 175 милијарди долари. Но без оглед на загубата, тој сепак и натаму е вториот најбогат човек на светот.
На прво место е основачот на „Амазон“, Џеф Безос, со 202 милијарди долари, а во текот на изминатиот ден, неговото богатство се зголеми за 707 милиони долари.