Украинскиот министер за надворешни работи Андриј Сибиха порача дека посетата на европската делегација е знак на вистинска храброст и солидарност со Украина. Рече дека силното европско присуство на овој ден покажува дека правдата за ова и за сите други руски злосторства е неизбежна
Високата претставничка на Европската Унија за надворешна политика и безбедност Каја Калас утринава со делегација европски министри пристигна во Киев за да им оддаде почит на жртвите во масакрот во Буча кој се случи во март 2022 година, непосредно по почетокот на руската инвазија.
„Убаво е што денес сум во Киев со европските министри за надворешни работи. Секоја посета е моќен потсетник за храброста и отпорноста на Украина. Европа е на ваша страна. Ќе продолжиме да обезбедуваме воена, финансиска, енергетска и хуманитарна поддршка. И ќе направиме сè што можеме за да обезбедиме целосна одговорност за злосторствата на Русија“,
напиша Калас во објава на Икс.
It is good to be in Kyiv today with European Foreign Ministers.
— Kaja Kallas (@kajakallas) March 31, 2026
Each visit is a powerful reminder of Ukraine’s courage and resilience.
Europe stands by your side. We will keep providing military, financial, energy, and humanitarian support.
And we will do everything we can to… pic.twitter.com/8u0eevJivX
Украинскиот министер за надворешни работи Андриј Сибиха порача дека посетата на европската делегација е знак на вистинска храброст и солидарност со Украина. Рече дека силното европско присуство на овој ден покажува дека правдата за ова и за сите други руски злосторства е неизбежна.
„Целосната одговорност за руските злосторства е од витално значење за обнова на правдата во Европа. Ќе ги продолжиме нашите напори за изведување на одговорните пред лицето на правдата“,
наведе украинскиот министер за надворешни работи.
Welcome to Kyiv, dear European friends, @KajaKallas and fellow European ministers!
— Andrii Sybiha 🇺🇦 (@andrii_sybiha) March 31, 2026
Today, we commemorate the grim anniversary of the Bucha massacre. On that day, horrific pictures of slaughtered civilians shook the entire world to its core.
Such a strong European presence on… pic.twitter.com/khlTcMXcTB
Во март 2022 година, руските сили ја окупираа Буча, мал град во близина на Киев. Кога украинската војска повторно го презеде градот на почетокот на април истата година, откриени беа стотици тела на цивили по улиците и масовни гробници. Масакрот во Буча се смета за еден од најпотресните настани во текот на руската инвазија.