Министерот Филипче минатата недела рече дека од анализата во МАНУ ќе зависи дали кафеаните ќе работат до 23 часот
Анализата во лабораторијата во МАНУ покажала дека во земјава ја нема мутацијата на коронавирусот која е регистрирана во Велика Британија.
Според резултатите, кај нас циркулира истиот вирус кој е присутен во изминативе повеќе месеци.
За министерот за здравство Венко Филипче ова не е доволно за дополнително олеснување на мерките, туку тие остануваат и натаму во сила.
Филипче минатата недела, најавувајќи го продолжувањето на работното време на угостителските објекти до 21 часот, рече дека од анализата во МАНУ ќе зависи дали кафеаните ќе работат до 23 часот.
Тој денеска најави дека сега ќе се следува состојбата по почетокот на второто полугодие од учебната година.
„Точно е дека бројот на новодијагностицирани се намалува, но во последните неколку дена се одржува некое плато. Сега продолжи учебната година и сите досегашни мерки остануваат во сила. Следната недела ќе ги анализираме бројките од следните неколку недели за евентуални други препораки. Сѐ уште сме внимателни“,
изјави денеска Филипче.