Јавни обвинители се на терен по вооружениот инцидент во Куманово – се трага по напаѓачот

Од Обвинителството посочуваат дека првичните индиции за оружениот напад не упатуваат на политички мотиви

Двајца јавни обвинители од Основното јавно обвинителство Куманово излегоа на лице место и преземаат увидни дејствија во врска со оружениот инцидент во Куманово во кој од возило во движење било пукано кон едно лице, информираат од Обвинителството.

Како што претходно објавивме, повредениот е З. Ш. (43) од с. Слупчане, општина Липково. Според информациите на Телма, ранетиот е Зекирија Шаини, вработен на скопската Клиника за пулмологија и е носител на советничката листа на ДУИ во општина Липково.

Оружен инцидент во центарот на Куманово, рането едно лице

Од Обвинителството посочуваат дека првичните индиции за оружениот напад не упатуваат на политички мотиви.

„Се прибираат траги и материјални докази кои ќе бидат предмет на вештачење. Во пукањето е повредено едно лице, а по напаѓачот се трага. Првичните индиции не упатуваат на политички мотиви зад оружениот инцидент, но сите околности се проверуваат“,

се наведува во соопштението на Обвинителството.