Генералниот секретар на ВМРО-ДПМНЕ, Игор Јанушев, ја обвини Владата за трошење пари на луксузни пијалаци додека, како што тврди, лекарите немаат заштитна опрема.
„Освен набавките за морски плодови и риби, документите покажуваат дека Владата дава пари и за набавка на скапи пијалаци – 2 тони сортно вино, 45 литри бурбон виски, 90 литри шкотско виски, 30 литри шампањ, вотка итн. Ова не е е само голем скандал, ова е забеганост, ова е лудост, ова се прави додека луѓе умираат и додека има вонредна состојба“,
тврди Јанушев.
Тој побара под итно набавката да се поништи и овие пари, како и тие за морска храна да се пренаменат за купување заштитна опрема за лекарите и дезинфекциски средства за болниците.