Американскиот Национален центар за урагани предупредил дека како што ураганот „Мелиса“ се приближува до островот, се очекуваат силни врнежи, лизгање на земјиштето и поплави
Ураганот „Мелиса“, бура од петта категорија и една од најсилните регистрирани во историјата, се приближува кон островот Јамајка, носејќи опасност од силни ветрови со 282 километри на час, како и катастрофални поплави. Синоќа, ураганот веќе однесе четири животи на островот Хиспањола, на кој се наоѓаат Хаити и Доминканската Република.
Во самата Јамајка, пак, три лица веќе загинале, а 13 се повредиле подготвувајќи се за ударот, изјавил министерот за здравство Кристофер Тафтон. Луѓето загинале додека сечеле стебла и поправале покриви, во обид подобро да се заштитат. Тафтон препорачал жителите да бидат внимателни при подготовките, како и да си обезбедат доволно количество пивка вода и нерасиплива храна.
Владата исто така соопштила дека 50 илјади луѓе веќе останале без електрична енергија со надоаѓањето на ураганот, главно во западниот дел од земјата.
Incredible footage from inside the eye of Category 5 Hurricane Melissa. Filmed during a reconnaissance flight by the US Air Force’s 53rd Weather Reconnaissance Squadron, the video reveals the sharply defined eyewall and the deceptive calm at the storm’s center; conditions that… pic.twitter.com/WCevRvU8wG
— AviatorsMaldives (@AviatorsMaldive) October 28, 2025
Американскиот Национален центар за урагани предупредил дека како што ураганот „Мелиса“ се приближува до островот, се очекуваат силни врнежи, лизгање на земјиштето и поплави.
„Разорните ветрови може да предизвикаат целосно уривање на градбите, особено во повисоките подрачја, што би довело до широко распространета штета врз инфраструктурата, долготрајни прекини во снабдувањето со електрична енергија и во комуникациските врски, а со тоа и до изолација на одредени заедници“,
се вели во предупредувањето.
Оттаму додаваат дека непридржувањето до мерките за заштита може да резултира со тешки повреди и со значителна загуба на човечки животи.
Премиерот на Јамајка, Ендру Холнес, изјавил дека „се моли на колена“ за островот, и дека веќе бил во контакт со повеќе светски лидери.
„Се чини дека целиот свет се моли за Јамајка“,
додал Холнес предупредувајќи го населението дека во регионот не постои инфраструктура што може да издржи ураган од петта категорија.
Пресметките на американскиот Национален центар за урагани се дека средиштето на бурата ќе помине низ делови од Куба и низ Јамајка. „Мелиса“ веќе има брзина на ветровите од 282 километри на час, која може и дополнително да порасне, бидејќи минималниот централен притисок се намалил од 909 на 901 милибар, а понизок притисок значи посилен ветер. За споредба, ураганот „Катрина“, најсилниот што досега е регистриран во САД, имал минимален централен притисок од 902 милибара.
И американската воена база Гвантанамо на Куба се наоѓа на патеката на ураганот. Поради тоа, како што соопштиле американските власти, од базата биле евакуирани 1 000 луѓе од несуштинскиот персонал, а околу 3 000 останале.