Оттаму нагласуваат дека сите кандидати за градоначалници се луѓе со интегритет, докажани кадри со желба за работа и јасна визија за развој на своите општини
Извршниот одбор на СДСМ утврди уште четири нови кандидати за градоначалници, информираат од партијата.
„Со одлука на Извршниот одбор на СДСМ на вчерашната попладневна седница е дадена согласност за уште четири нови кандидатури за градоначалници за претстојните локални избори: Едис Хасан – кандидат за градоначалник на Шуто Оризари, Жика Стојановски – кандидат за градоначалник на Илинден, Игор Христов – кандидат за градоначалник на Кочани и Исуф Синани – кандидат за градоначалник на Долнени. Со ова, СДСМ веќе има објавено 64 кандидати за градоначалници од СДСМ во 64 општини ширум државата“,
се наведува во соопштението на СДСМ.
Оттаму нагласуваат дека сите кандидати за градоначалници се луѓе со интегритет, докажани кадри со желба за работа и јасна визија за развој на своите општини.
„Кандидатите на СДСМ ќе бидат гласот на граѓаните, ќе работат за решавање на секојдневните проблеми, за подобрување на квалитетот на живот и развојот на општините“,
информираат од најголемата опозициска партија.