Известувачот Ќучук за кампањите во Македонија: Едната е за продолжување кон ЕУ, другата за враќање три години назад

Постојат и некои други идеи, кои доаѓаат главно од партии што имаат за цел да привлечат гласачи од албанското малцинство, вели бугарскиот европратеник

Во предизборието во Северна Македонија се одвиваат две концепциски  различни кампањи: Едната е за враќање на земјата каде што беше пред три години, а другата е за продолжување по патот кон Европската Унија. Ова е оценката на бугарскиот европратеник и известувач за Северна Македонија во Европскиот парламент, Илхан Ќучук.

Тој во изјава за бугарското радио „Фокус“ вели дека постои тешка и комплексна дебата за суштинските вредности и за тоа каде македонските политичари сакаат да ја видат својата земја.

„Некои се залагаат за тоа земјата да се врати таму каде што беше пред три години, а други ја поддржуваат идејата дека треба да продолжи да се развива на патот кон НАТО и ЕУ. Постојат и некои други идеи, кои доаѓаат главно од партии што имаат за цел да привлечат гласачи од албанското малцинство“,

вели Ќучук.

Според него, нема посебни ризици за изборната кампања во Северна Македонија, нема бојкот, сите политички сили ги повикуваат граѓаните да гласаат на 15 јули.

(ВИДЕО) Интервју со европратеникот Ќучук: Бојкотот не е алтернатива, ЕУ сака политичка власт во С. Македонија

Ќучук посочува и дека постои дебата меѓу младите за иднината на земјата во ЕУ, слично како што беше и во Бугарија пред нејзиното зачленување во Унијата.