Израелскиот министер за одбрана Израел Кац денеска упати предупредување до хутите дека ќе се соочат со поморска и воздушна блокада доколку не ги прекинат нападите врз Израел
Израелската морнарица извршила напади врз јеменското пристаниште Ходеида во Црвеното Море, објави утрово израелското воено радио известувајќи за тековната воена кампања на армијата која главно се состои од воздушни напади, пренесе Ројтерс.
Во меѓувреме и телевизиската станица Ал Масира, која е управувана од радикалната хутите, објави дека цел на два израелските напади биле доковите на пристаништгето.
Засега нема извештаи за евентуални жртви и повредени.
Нападот доаѓа откако израелската армија вчера повика на евакуација на пристаништата Рас Иса, Ходеида и Салиф, кои се под контрола на хутите.
Израелскиот министер за одбрана Израел Кац денеска упати предупредување до хутите дека ќе се соочат со поморска и воздушна блокада доколку не ги прекинат нападите врз Израел.
Од почетокот на војната во Газа во октомври 2023 година исламистичката група хути, поврзана со Иран, во повеќе наврати стрелаше врз Израел и бродови во Црвеното Море, во знак, на како што велат тие, солидарност со Палестинците во Газа.
Повеќето од неколкуте десетици ракети и беспилотни летала што хутите ги истрелаа кон Израел беа пресретнати или ги промашија своите цели, но беа повод Израел да започне серија одмазднички напади кон цели контролирани од бунтовничката група.
Израел со своите операции сериозно ги ослаби сојузниците на Иран во регионот, меѓу кои либански Хезболах и палестинската милитантна група Хамас.
Хутиите, кои исто така ја имаат поддршката од Техеран, како и проиранските вооружени групи во Ирак, сè уште успеваат да ги одржат своите позиции.