Нападот на болницата во која многу жители на Газа се засолниле, бегајќи од израелското бомбардирање, предизвика бурни реакции во светот, особено во арапскиот, а протести се организираа и пред израелските амбасади во Турција и Јордан и во близина на американската амбасада во Либан, каде што безбедносните сили употребија солзавец
Војската на Израел објави дека по блиска проверка на системите за надзор, утврдила дека не бил израелски оган, туку ракети на „Исламски џихад“ кои ја погодиле болницата во Газа во вторникот вечерта, при што, според палестинските тврдења, загинале стотици луѓе.
„Сега имаме доволно информации, требаше време, но мораме да ја кажеме вистината, болницата не беше погодена од израелски удари. Во следните часови ќе обезбедиме докази за нашите тврдења“,
изјави Даниел Хагари, портпарол на израелската армија на синоќешниот брифинг со новинарите.
Тој додаде дека во моментот на пукањето не вршеле никакви воздушни операции во близина на болницата и дека ракетите што ја погодиле зградата не се совпаѓале со нивните. Хагари посочи и дека војската ќе објави разговори на арапски што покажуваат дека виновникот за нападот е „Исламски џихад“.
Breaking: IDF Spokesperson
— Israel ישראל ?? (@Israel) October 17, 2023
From the analysis of the operational systems of the IDF, an enemy rocket barrage was carried out towards Israel, which passed through the vicinity of the hospital when it was hit.
According to intelligence information, from several sources we have,…
„Исламски џихад“: Ова е лага и измислица
Дауд Шехаб, портпарол на „Исламскиот џихад“, изјавил за Ројтерс:
„Ова е лага и измислица, тоа е целосно лажно. Тие се обидуваат да го прикријат страшното злосторство и масакр што го извршија врз цивилите“.
Нападот на болницата во која многу жители на Газа се засолниле, бегајќи од израелското бомбардирање, предизвика бурни реакции ширум светот, особено во арапскиот, а протести се организираа и пред израелските амбасади во Турција и Јордан и во близина на американската амбасада во Либан, каде што безбедносните сили употребија солзавец за растерување на демонстрантите.
„Стотици жртви сè уште се во урнатините на болницата ’Ахли Арап’ во центарот на Газа, каде што загинаа од 200 до 300 луѓе“,
соопшти Министерството за здравство на палестинската територија под контрола на Хамас, кое го обвини Израел за пукањето.
Палестинскиот претседател Махмуд Абас, кој управува со палестинската територија на Западниот Брег, ја нарече експлозијата во болницата ’Ал Ахли’ ужасен воен масакр.
„Израел ги премина сите црвени линии“,
рече тој.
Експлозијата во болницата е најкрвавиот поединечен инцидент во Газа откако Израел започна серија бомбардирања како одмазда за нападот на Хамас врз јужните израелски заедници на 7 октомври, во кој загинаа 1 300 луѓе.
Surveillance camera footage from Netiv Haasara shows a large barrage of rockets being launched from northern Gaza, followed by a massive blast in the Strip, apparently caused by a failed projectile. pic.twitter.com/PdNCbks02r
— Emanuel (Mannie) Fabian (@manniefabian) October 17, 2023