Инцидентот во Сана дополнително ги продлабочува тензиите во регионот и ја зголемува загриженоста на меѓународната заедница за можното ширење на конфликтот
Израел изврши најмалку шест воздушни напади врз Сана, главниот град на Јемен, пренесува Би-би-си.
Според првичните информации, целите на нападот се здравствен објект во Сана и владина зграда во округот Ал Хазм.
Засега нема извештаи за обемот на штетата, но се претпоставува дека во нападот има загинати и повредени.
JUST IN:
— Current Report (@Currentreport1) September 10, 2025
Israel also struck multiple complexes, including the government building, the General Command headquarter, the treasury, 2 rocket launchers and a fuel warehouse.
Israeli strikes in Yemen extended beyond Sanaa, reaching targets in the northern part of the country. pic.twitter.com/g3VVfBZ2Qp
Жителите на Сана изјавија дека била нападната скриена локација помеѓу две планини, која служи како командно-контролен пункт.
Хутите, кои се поддржана од Иран, контролираат голем дел од северозападен Јемен од 2014 година.
Од почетокот на војната на Израел против Хамас во Газа во октомври 2023 година, хутите редовно испукуваат ракети кон Израел и напаѓаат комерцијални бродови во Црвеното Море и Аденскиот Залив тврдејќи дека дејствуваат во солидарност со Палестинците во Газа.
Израел и САД претходно извршија воздушни напади како одговор на активностите на хутите.
Инцидентот во Сана дополнително ги продлабочува тензиите во регионот и ја зголемува загриженоста на меѓународната заедница за можното ширење на конфликтот.
Израелските сили во август извршија напади на главниот град на Јемен, Сана, во кој, според претставници на здравствените власти под контрола на милитантната група хути, загинале шест лица.
Овие напади беа одмазда за ракетите што хутите претходно ги истрелаа кон Израел.