Собраниската Комисија за прашања на изборите и именувањата на денешната 19. седница го утврди новиот состав на Одборот за доделување на државната награда ,,8 Септември”.
Поради истечениот мандат на стариот состав, Комисијата го изгласа новиот во кој претседателка е Гордана Нацева, истакнат спортист и спортски работник, а за членови се избрани истакнатите спортисти Пепи Манасков, Примислав Димовски, Индира Кастратовиќ, Артим Шаќири, Оливера Биковска, Перо Антиќ, Наташа Илиевска и Шабан Трстена.
Покрај нив, за членови на Одборот се избрани и професорите од Факултетот за физичко образование, спорт и здравје при Универзитетот „Св. Кирил и Методиј”- Скопје, д-р Ленче Алексовска – Величковска и д-р Руждија Калач, спортскиот новинар Игор Трпески и истакнатиот спортски работник, професор Иса Аслани.