При увидот што го извршила извршила екипа на Секторот за внатрешни работи Тетово, бил пронајден и предметот за кој постои сомнение дека бил употребен во угостителскиот објект
Вработен во тетовски кафе-бар вчера навечер бил избоден од сограѓанин околу 19 часот, а полицијата за час и половина успеала да го најде и приведе осомниченит напаѓач. Инцидентот се случил во кафе-бар на улицата „ЈНА.
„Во 20 часот и 30 минути, полициски службеници на СВР Тетово лишиле од слобода 24-годишник кој околу 19 часот во угостителски објект на улица ЈНА во Тетово со остар предмет му нанел повреди на 28-годишник, инаку вработен во кафе-барот. Повредениот бил пренесен во тетовската Клиничка болница за укажување лекарска помош“,
информира Марјан Јосифоски, портпарол на СВР Тетово.
При увидот што го извршила извршила екипа на Секторот за внатрешни работи Тетово бил пронајден и предметот за кој постои сомнение дека бил употребен во угостителскиот објект.
„За приведениот по целосно документирање на случајот ќе биде изготвен соодветен поднесок со кој денеска ќе биде изведен пред судија во претходна постапка на Основниот суд Тетово“,
информираше полицискиот портпарол.