Гувернерот на Њу Џерси, Фил Марфи, прогласи вонредна состојба во неговата држава и ги повика жителите да избегнуваат патувања
Снежна бура денеска ги зафати источните делови на САД, затворајќи ги училиштата и канцелариите на федералната влада, додека воздушниот сообраќај е во прекин два дена. Поради невремето затворен е и главниот автопат во Вирџинија.
Предупредувањата за снежна бура беа во сила до пладне во областа од Вашингтон до Мејн, соопшти Националната метеоролошка служба.
Во делови од Кентаки, Вирџинија, Пенсилванија, Њујорк и Мериленд паднаа 15-20 сантиметри снег.
До денеска, повеќе од 400 летови беа одложени или откажани од аеродромите во Њујорк, Бостон и Вашингтон, според Flightaware.com.
Гувернерот на Њу Џерси, Фил Марфи, прогласи вонредна состојба во неговата држава и ги повика жителите да избегнуваат патувања.