Во емисијата „Отворено“ на ТВ24 пратеничката најави во кој дел од текстот ќе поднесат амандмани
Прислушуваните аудио материјали или популарно „бомби” да не бидат докази во судска постапка, туку само индиции. Ова вечерва во емисијата „Отворено“ на ТВ 24 го изјави пратеничката Нола Исмајлоска Старова која е дел од независните пратеници од ВМРО-ДПМНЕ. Таа најави дека пратеничката група за ова ќе поднесе и амандмани на предлог законот.
„Мораме да се осигураме дека незаконски прислушуваните материјали нема да бидат злоупотребени“, изјави Исмајлоска Старова.
Освен за ова, таа најави дека амандмански ќе бараат и одложено дејство на законот за шест месеци, а ќе интервенираат и во начинот за избор на ЈО за гонење организиран криминал и корупција.