Предупредувањето е одговор на заканата на американскиот претседател дека ќе ги погоди иранските електрани доколку во рок од 48 часа целосно не се отвори Ормускиот Теснец
Постројките за десалинизација, кои Иран се заканува дека ќе ги нападне, се клучна инфраструктура за земјите во Персискиот Залив кои во голема мера се зависни од десалинизација – процес на претворање на морската вода во вода за пиење
Иранската војска предупреди дека ќе ги нападне енергетската инфраструктура и постројките за десалинизација во регионот доколку Доналд Трамп ги оствари своите закани за уништување на електроцентралите на Иран.
Предупредувањето доаѓа како одговор на заканата на американскиот претседател дека ќе ги погоди иранските електрани доколку во рок од 48 часа целосно не се отвори Ормускиот Теснец.
„Доколку непријателот ја нападне нафтената и енергетската инфраструктура на Иран, целта ќе биде целата енергетска, информатичка и инфраструктура за десалинизација што им припаѓа на САД и на режимот во регионот“,
изјави Хатам ал-Анбија, портпарол на оперативната команда на војската во соопштението објавено од новинската агенција Фарс.
Американскиот претседател Доналд Трамп претходно се закани дека САД ќе ги уништат иранските електрани доколку Иран целосно не го деблокира Ормускиот Теснец во следните 48 часа.
Постројките за десалинизација, кои Иран се заканува дека ќе ги нападне, се клучна инфраструктура за земјите во Персискиот Залив, вклучително и Обединетите Арапски Емирати. Овие земји во голема мера се зависни од десалинизација – процес на претворање на морската вода во вода за пиење. Стотици постројки за десалинизација во Заливот обезбедуваат вода за пиење на околу 100 милиони луѓе.
Додека Иран сè уште добива поголем дел од водата од реките и подземните води, Заливот има многу малку природни слатководни ресурси. Некои земји како Кувајт, Оман и Бахреин, се потпираат на десалинизацијата за речиси целата вода за пиење.