Речиси два месеца џамијата во тетовското село Порој е затворена за верниците. Езанот ечи, но намаз со верници во објектот не се дозволува. Таква одлука донел имамот Максут Абази, како превентивна мерка против ширење на коронавирусот, објави ТВ Алсат.
„Ја донесов оваа одлука за да не дозволам вирусот да се шири кај моите сограѓани. Џамијата е Божја куќа, верникот кога доаѓа да се моли во џамија треба да биде слободен. За мене не е во ред да им кажам на верниците да ги мијат и дезинфицираат рацете, и да држат социјална дистанца“,
кажа имамот Абази за Алсат.
Џамијата ќе биде затворена и утре, нема да се клања ниту Фитр Бајрам. Тоа е за добро на верниците, вели имамот. Како што јавува телевизијата, неговата одлука ја поддржува и локалното население.