Во описот на видеото објавено на профилот на Израелската војска на Икс се вели дека по операцијата во Газа, каде што војниците од 98-та дивизија стекнале вештини и оперативно искуство, тие се префрлени на север и сега спроведуваат ограничени, локализирани и насочени операции кои започнаа синоќа
Израелската војска, откако денеска соопшти оти започнала ограничени, локализирани и насочени копнени напади врз цели и инфраструктура на Хезболах во Јужен Либан, објави видео на кое се гледа дека израелските сили дејствувале во Либан уште пред да почне копнената офанзива.
Во описот на видеото објавено на профилот на Израелската војска на Икс се вели дека по операцијата во Газа, каде што војниците од 98-та дивизија стекнале вештини и оперативно искуство, тие се префрлени на север и сега спроведуваат ограничени, локализирани и насочени операции кои започнаа синоќа.
„Ќе продолжиме да се бориме за да ги постигнеме сите цели на војната, вклучително и разбивање на Хамас, враќање на нашите заложници дома и враќање на безбедноста во северен Израел“,
се додава во објавата.
After operating in Gaza, where the soldiers of the 98th division gained skills and operational experience, they moved north and are now conducting limited, localized, targeted operations that began last night.
— Israel Defense Forces (@IDF) October 1, 2024
We will continue fighting to achieve all goals of the war including… pic.twitter.com/eoSDaYbRvo
Израелските сили во предупредување издадено од израелскиот воен портпарол на арапски јазик, а упатено до либанските граѓани во јужен Либан, се вели тие да не се движат поради, како што е наведено, тешки борби.
„Тешки борби се водат во јужен Либан, при што елементите на Хезболах ја користат цивилната средина и населението како жив штит за да извршат напади. Заради ваша лична безбедност, ве замолуваме да не преместувате возила од северниот регион кон јужниот регион на реката Литани. Ова предупредување е во сила до понатамошно известување“,
се вели во предупредувањето издадено од портпаролот на израелските одбранбени сили Авичај Адраи.
Израелската војска денеска преку соопштение информира дека започнала копнени напади врз Хезболах во јужен Либан.