Премиерот Оливер Спасовски и претходниот премиер Зоран Заев се меѓу потписниците на јавниот повик за зачувување на демократијата низ светот во услови на пандемија со ковид-19.
Како што соопштија од Владата, Спасовски е потписник на „Повик за одбрана на демократијата“ – отворено писмо иницирано од меѓународни продемократски организации, Меѓународниот институт за демократија и изборна помош (IIDEA/МИДИП,), со поддршка на Фондацијата за демократија на Вестминстер, зад кое застанаа уште 63 организации од светот.
Писмото го потпишаа голем број активни и поранешни политички лидери, шефови на држави и влади, како и останати политички и граѓански лидери ширум светот, вклучувајќи и 13 нобеловци.
Писмото има за цел да ја подигне свеста и да ги мобилизира граѓаните и носителите на политики да ја заштитат демократијата во услови на пандемија. Во повикот се истакнува дека справувањето со оваа глобална криза не смее да се спроведува на сметка на човековите права на сите граѓани, особено малцинствата и ранливите групи.
„Постоечката пандемија претставува сериозен глобален предизвик и за демократијата и таа не смее да биде заобиколена или под закана и луѓето што се грижат за неа мора да смогнат волја, дисциплина и солидарност во нејзина одбрана. Во прашање е слободата, здравјето и достоинството на луѓето насекаде“, се вели во отвореното писмо „Повик за одбрана на демократијата“ ,
се наведува во отвореното писмо.