Портпаролот на Кремљ, Димитриј Песков е помеѓу 26-те истакнати луѓе од Русија санкционирани од Европската унија поради воената инвазија на Украина, се вели во официјалното соопштение на Унијата, пренесува „Ројтерс“.
Списокот на ЕУ вклучува олигарси и бизнисмени активни во нафтениот, банкарскиот и финансискиот сектор, како и членови на владата, воени лица на високо ниво и „личности кои придонеле за ширење на антиукраинската пропаганда“, се вели во соопштението на ЕУ.
Министерот за надворешни работи, Сергеј Лавров, како и рускиот претседател Владимир Путин, веќе се соочија со санкции од ЕУ, кои, како што пренесе тогаш „Си-ен-ен“ вклучуваат замрзнување на нивниот имот во Унијата, но не и забрана за патување.