Општина Кавадарци се вклучи во гасењето на пожарот кај Богданци, информира на својот фејсбук-профил градоначалникот Митко Јанчев. Тој напиша дека шест пожарникари со две противпожарни возила веќе се на местото кај ветерниците.
„Општина Кавадарци секогаш безрезервно помага онаму каде што е потребно. Шест пожарникари и две противпожарни возила, опремени со потребната опрема, се упатија кон Општина Богданци. Пожарникарите на ТППЕ Кавадарци интервенираат во пожарот кој избил близу ветерниците“,
вели Јанчев.
Инаку, утрото Центарот за управување со кризи (ЦУК) информира дека пожарот кај Богданци сѐ уште не е ставен под целосна контрола, но и дека нема активно горење. Најавија дека тимови на повеќе институции и противпожарни бригади денеска околу шест часот ќе продолжат со гаснењето на пожарот.