Како што информира шефот на дипломатијата, на располагање ќе бидат тројца генерали од пожарникарската служба на Франција, кои се едни од најдобрите експерти за високо ризични пожари, а помошта ќе биде надополнета и со дронови со француски пилоти
Франција од утре ни се приклучува во напорите за гаснење на пожарите во земјава, по помошта од која пристигна од земјите – членки на ЕУ: Австрија, Словенија, Романија и Бугарија, како и од соседна Србија, објави министерот за надворешни работи Бујар Османи.
Утре наутро, како што посочува тој на Фејсбук, на располагање ќе имаме тројца генерали од пожарникарската служба на Франција, кои се едни од најдобрите експерти за високо ризични пожари. Помошта од Франција ќе биде надополнета и со високо софистицирана опрема, сочинета од дронови со француски пилоти/оператори, кои многу ќе помогнат во делот на идентификување, мапирање и рано информирање на подрачјата – потенцијални жаришта на пожари, како важен дел од севкупната операција за сузбивање на пожарите.
„Вклученоста на Франција доаѓа порадиради нивната висока експертиза во гасењето на вакви шумски пожари, а како резултат на успешната координација на нашата дипломатска мрежа. Солидарноста и помошта од нашите сојузници во овие кризни моменти е повеќе од добредојдена во надминување на кризата, а воедно претставува и вистински израз на европската солидарност“,
напиша Османи.