Британската министерка за надворешни работи Лиз Трас ќе ја посети Русија оваа недела. Нејзината посета е дел од западните дипломатски напори за намалување на тензиите меѓу НАТО и Руската Федерација поради стравувањата од претстојната инвазија на Украина, објави „Тајмс“.
Трас е предвидено да се сретне со шефот на руската дипломатија Сергеј Лавров в четврток по посетата на Украина.
Таа ги одложи посетите на Украина и на Русија поради ковид-19.
Посетата на Трас ќе следува по разговорите меѓу францускиот претседател Емануел Макрон и неговиот руски колега Владимир Путин во Москва.