Израелските медиуми во петокот објавија дека ал-Рахави е убиен во израелски воздушен напад во станот каде што живеел
Лидерот на Врховниот политички совет јеменските Хути, Махди ал Машат, се закани дека тие ќе му се одмаздат на Израел за убиството на премиерот на хутистичката влада, Ахмед Галеб ал Рахави.
„Се колнеме пред Алах, јеменскиот народ и семејствата на загинатите и ранетите дека ќе се одмаздиме и ќе го претвориме нашето страдање во победа. Го уверуваме драгиот јеменски народ дека нашите вооружени сили се во целосна борбена готовност“,
изјави Ал Машат.
Тој вели одмаздата „нема да трае долго“ и мрачни денови ќе дојдат за Израел поради атентатот врз премиерот на Хутите.
„Им порачувам на ционистите: Нашата одмазда нема да трае вечно, а темни денови ве чекаат поради тоа што го стори вашата валкана, предавничка влада…Ќе продолжиме и ќе се соочиме со тешкотии и предизвици. Непријателскиот ентитет никогаш повеќе нема да се чувствува безбедно. Бог е со нас, а победата е наша без разлика колку време ќе трае. Цената на слободата е крв. Ние сме луѓе на жртва, непоколебливост и пркос“,
рече лидерот на Хутите.
Тој ги повика сите компании што работат во Израел да заминат пред да биде доцна.
Израел изврши воздушни напади во четвртокот на одредени локации во јеменскиот главен град Сана, кој е под контрола на Хутите, за време на телевизиското обраќање на лидерот на бунтовниците Абдел Малик ал-Хути.
Според соопштението на израелската армија, еден од воените објекти на бунтовниците бил погоде, а во него се наоѓале, освен ал Рахави, уште и министерот за одбрана и началникот на Генералштабот, и дека авионите извршиле повеќе од 10 напади.