Според одлуката на хрватската Влада, вкупно 87 750 дози од антиковид вакцината на „Фајзер“ се донација за Северна Македонија
Владата на Хрватска на денешната седница донесе одлука да донира антикови вакцини за Северна Македонија и за земјите на кои, според проценката на механизмот Ковакс, тоа им е потребно.
Вкупно 87 750 дози од вакцината на „Фајзер“ се донација за Северна Македонија, а 734 400 дози ќе бидат донирани во државите според проценката на механизмот Ковакс.
Во одлуката не е наведено кому се донираат вакцините преку Ковакс, но според извештајот на Министерството за здравство испратен до хрватската Влада на 5 октомври, се работи за донација на вакцината на „Фајзер“ за Мексико.
Досега Хрватска донираше 2 467 820 дози вакцини.
До крајот на годината, Хрватска ќе донира уште 45 000 дози вакцини „Модерна“ и 135 360 дози вакцини „Фајзер“ во Тунис и над 700 илјади дози вакцини „Џонсон и Џонсон“ во друга земја преку механизмот Ковакс.
Ковакс е најголемата програма за размена на вакцини во светот против ковид-19 којашто се води под покровителство на Светската здравствена организација (СЗО( и е наменета за сиромашните и земјите во развој.