Хок: Престојот на Ѓоковиќ во Австралија ќе го поттикне зголемувањето на бројот на антиваксери во земјава

Според законот, на Ѓоковиќ може да му биде забранет влез во Австралија во следните три години

Верувам дека продолженото присуство на Новак Ѓоковиќ во Австралија може да доведе до зголемување на антиваксерските чувства во австралиското општество, што може да доведе пак до јавно незадоволство, како што беше забележано во протестите, што самите се извор за ширење на вирусот, се вели во ставот на австралсикиот министер за имиграција, Алекс Хук, кој вчера одлучи по вторпат да му ја укине визата на српскиот тенисер.

Хок детално ја објасни мотивацијата за ваквата своја повторена одлука.

„Господин Ѓоковиќ е личност со статус и влијание. Со оглед на неговото однесување по позитивниот тест за ковид-19 и неговите јавни изјави, како и неговиот невакциниран статус, верувам дека неговото натамошно присуство во Австралија може да ги охрабри другите луѓе да ги игнорираат насоките и политиките за јавно здравје во земјата“,

рече Хок.

Министерот додаде дека е можно одземањето на визата на Ѓоковиќ да влијае врз идната желба на Србинот да влезе во земјата за да учествува на турнири.

Ѓоковиќ ќе преноќи во имиграциски притвор, одлуката во рацете на тричлен судски совет

Според законот, на Ѓоковиќ може да му биде забранет влез во Австралија во следните три години.

Од своја страна, адвокатскиот тим на Ѓоковиќ возврати дека Хоук применил „нелогичен, ирационален и неоправдан“ пристап кон интересот на јавното здравје.

„Министерот не обезбеди докази за да го поддржи неговото тврдење дека присуството на Ѓоковиќ во Австралија би можело да ги засили антиваксерските чувства“,

наведуваат  адвокатите на првиот тенисер во светот.