Сообраќајот на другите државни патишта утрово се одвива непречено, по суви коловози, со умерен интензитет на патните правци надвор од градските средини, соопштија од АМСМ
На граничниот премин „Богородица“ се бележи зголемена фреквенција на возила, времето на чекање за излез од земјава е околу 40 минути. На ГП „Табановце“ има зголемена фреквенција на возила за влез во државата, а времето на чекање е околу 30 минути, информираат од АМСМ. На другите гранични премини од македонска страна, додаваат оттаму, нема подолги задржувања за влез и излез од државата.
Сообраќајот на другите државни патишта утрово се одвива непречено, по суви коловози, со умерен интензитет на патните правци надвор од градските средини, соопштија од АМСМ.
Од 1 јули до 31 август на државните патишта во земјава се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 – 22:00 часот, сабота од 07:00 до 12:00 и од 18:00 до 24:00 часот и недела од 07:00 до 22:00 часот.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 1.4.2024 е пуштен за сообраќај за сите видови возила со вкупна тежина до 3,5 тони.