Реакцијата на генералниот секретар на ОН доаѓа по критиката на американскиот претседател за работењето на СЗО
Генералниот секретар на Обединетите нации, Антонио Гутереш, денеска изјави дека сега не е време за оценка на глобалниот одговор на пандемијата на коронавирусот, повикувајќи ја меѓународната заедница, место тоа, да се фокусира на солидарност во запирањето на вирусот.
„Кога конечно ќе ја свртиме страницата за оваа пандемија, ќе дојде време кога во целост ќе се свртиме наназад за да сфатиме како една таква болест ни се појави, толку брзо и уривачки се прошири ширум светот и како сите кои учествуваа реагираа на кризата. Но, сега не е време за тоа“,
наведе Гутереш во соопштение, пренесено од британски медиуми.
Соопштението од кабинетот на Гутереш следува по критиката на американскиот претседател Доналд Трамп за работењето на Светската здравствена организација, при што тој ја обвини дека била фокусирана на Кина и дека давала лоши совети во текот на епидемијата, наведоа британските медиуми.
Шефот на СЗО, Тедрос Аданом Гебрејесус, одговори на обвинувањата со барање да не се политизира пандемијата на коронавирусот .
„Единството на вашите земји ќе биде многу важно за да се победи овој опасен вирус. Без единство, ве уверуваме, секоја земја што може да има подобар систем ќе биде во неволја и во поголема криза. Нема потреба да се користи ковид-19 за да се постигнат политички поени “,
Изјави шефот на СЗО, охрабрувајќи ги политичките водачи да работат потив политички, религиозни и други бариери на национално ниво.