Гутереш на Твитер напиша дека поплаките на палестинскиот народ не можат да ги оправдаат ужасните напади на Хамас ниту, пак, дека нападите на групата може да го оправдаат колективното казнување на палестинскиот народ
Генералниот секретар на Обединетите нации, Антонио Гутереш, изјави дека нема оправдување за смртоносниот напад на Хамас врз Израел откако израелските власти го повикаа да поднесе оставка затоа што изјави дека нападите на Хамас „не се случиле во вакуум“.
Гутереш на платформата Икс, поранешен Твитер, напиша дека поплаките на палестинскиот народ не можат да ги оправдаат ужасните напади на Хамас ниту, пак, дека нападите на групата може да го оправдаат колективното казнување на палестинскиот народ.
The grievances of the Palestinian people cannot justify the horrific attacks by Hamas.
— António Guterres (@antonioguterres) October 25, 2023
Those horrendous attacks cannot justify the collective punishment of the Palestinian people.
Израелските власти го критикуваа Гутереш во вторникот откако тој му рече на Советот за безбедност на ОН дека е исто така важно да се признае дека нападите на Хамас „не се случиле во вакуум“.
Многу израелски официјални лица оттогаш го повикаа Гутереш да поднесе оставка.
Постојаниот претставник на Израел во ОН, Гилад Ердан, во вторникот го повика Гутереш веднаш да поднесе оставка бидејќи, како што рече, не е способен да ја води светската организација.
„Генералниот секретар на ОН кој покажува разбирање за кампањата за масовно убивање на деца, жени и стари лица не е способен да ги води ОН. Го повикувам веднаш да поднесе оставка“,
напиша Ердан на Икс.
The shocking speech by the @UN Secretary-General at the Security Council meeting, while rockets are being fired at all of Israel, proved conclusively, beyond any doubt, that the Secretary-General is completely disconnected from the reality in our region and that he views the…
— Ambassador Gilad Erdan גלעד ארדן (@giladerdan1) October 24, 2023
Израелскиот министер за надворешни работи Ели Коен го критикуваше Гутереш на состанокот на Советот за безбедност за неговите критики за нападите на Израел врз Газа прашувајќи го „во каков свет живее“.
Коен подоцна објави на Твитер дека ја откажал планираната средба со Гутереш.
Гутереш претходно повика на итен хуманитарен прекин на огнот во Појасот Газа и нагласи дека „страшните напади“ на палестинската милитантна група Хамас врз Израел не можат да го оправдаат „колективното казнување на палестинскиот народ“.
„Ниту една страна во вооружен конфликт не е над меѓународното хуманитарно право“,
рече генералниот секретар на ОН.
Тој посочи дека нападите на Хамас врз Израел од 7 октомври не се случија „во вакуум“ и нагласи дека палестинскиот народ е под окупација 56 години.