За новата влада на Србија гласаа членовите на владејачката коалиција од листата Александар Вучиќ – Србија не смее да застане, Социјалистичката партија на Србија, Обединета Србија, ПУПС, Социјалдемократската партија на Србија и Сојузот на војводинските Унгарци. Против беа пратениците на опозициските партии кои присуствуваа на седницата
Со 153 гласа „за“ и 46 „против“ српскиот парламент денеска ја избра новата влада што ќе ја предводи Ѓуро Мацут. На гласањето не беа присутни 51 пратеник.
За новата влада на Србија гласаа членовите на владејачката коалиција од листата Александар Вучиќ – Србија не смее да застане, Социјалистичката партија на Србија, Обединета Србија, ПУПС, Социјалдемократската партија на Србија и Сојузот на војводинските Унгарци. Против беа пратениците на опозициските партии кои присуствуваа на седницата.
На седниците на Собранието не присуствуваа членовите на коалицијата НАДА и Демократската партија.
Економската политика на Србија нема да се промени, најави Мацут во експозето пред пратениците во Собранието.
„Политиката на одржување на макроекономската стабилност, каква што ја имавме досега, продолжува“,
додаде тој.
Мацут изјави дека Србија е уморна од поделби и блокади, дека мора да се работи на хармонизирање на општеството, дека хармонијата може да се изгради преку дијалог, толеранција, работа и градење систем на вредности и рече дека негов прв приоритет ќе биде нормалното функционирање на училиштата и факултетите.
Новата влада на Србија ќе ја сочинуваат 30 министри, од кои има и од кабинетот на претходниот премиер Милош Вучевиќ, кој поднесе оставка по несреќата со уривањето на натстрешницата на Железничката станица во Нови Сад.
Пратениците од владејачкото мнозинство во расправата порачаа дека ќе поддржат избор на нова влада, а пратениците од опозицијата го критикуваа предлогот за мандатар.
Српскиот претседател Александар Вучиќ им честиташе на граѓаните за изборот на новата влада, а на новиот премиер Ѓуро Мацут и на членовите на неговиот кабинет им посака „да ја ослободат земјата од терор и да ја вратат на патот на успехот“.
Кандидатот за премиер Ѓуро Мацут вчера ги претстави програмата и составот на неговиот кабинет.
Кабинетот на Ѓуро Мацут ги вклучува следниве министри:
- Синиша Мали, прв заменик-премиер и министер за финансии,
- Ивица Дачиќ, вицепремиер и министер за внатрешни работи,
- Адријана Месаровиќ, вицепремиерка и министерка за економија,
- Драган Гламочиќ, министер за земјоделство, шумарство и водостопанство,
- Сара Павков, министерка за заштита на животната средина,
- Александра Софронијевиќ, министерка за градежништво, транспорт и инфраструктура,
- Дубравка Ѓедовиќ-Хандановиќ, министерка за рударство и енергетика,
- Јагода Лазаревиќ, министерка за внатрешна и надворешна трговија,
- Ненад Вујиќ, министер за правда,
- Снежана Пауновиќ, министерка за државна администрација и локална самоуправа,
- Демо Бериша, министер за човекови и малцински права и социјален дијалог,
- Братислав Гашиќ, министер за одбрана,
- Марко Ѓуриќ, министер за надворешни работи,
- Немања Старовиќ, министер за евроинтеграции,
- Дејан Вук Станковиќ, министер за образование,
- Златибор Лончар, министер за здравство,
- Милица Ѓурѓевиќ-Стаменковски, министерка за труд, вработување, боречки и социјални прашања,
- Јелена Жариќ-Ковачевиќ, министерка за семејна грижа и демографија,
- Зоран Гајиќ, министер за спорт,
- Никола Селаковиќ, министер за култура,
- Милан Кркобабиќ, министер за рурална заштита,
- Бела Балинт, министер за наука, технолошки развој и иновации,
- Хусеин Мемиќ, министер за туризам и млади,
- Борис Братина, министер за информации и телекомуникации,
- Дарко Глишиќ, министер за јавни инвестиции и
- Новица Тончев, Ѓорѓе Миличевиќ, Усаме Зукорлиќ, Ненад Поповиќ и Татјана Мацура, министри без ресор.