Прв ќе гласам против секој предлог што ќе дојде и ќе му наштети на јазичниот и историскиот идентитет на нашите македонски сограѓани, но кога ќе се уверам во спротивното, за било кој компромис кој го штити културниот идентитет, ќе мора да имаме храброст заедно да размислуваме за идните генерации, а не за идните избори, порача првиот вицепремиер Артан Груби, во говор на комеморативната седница за сеќавање на геноцидот во Сребреница.
„Не е случајно воспоставувањето на нашата соработка во “Отворен Балкан“. Нашата цел е да ги подобриме односите на мрачната историја, да си помагаме еден на друг и заедно да го изградиме патот на развојот на нашите земји. Иницијатива за да ги затвориме вековните рани преку помирување не преку заборавање, градејќи го патот за идните генерации“
рече Груби.
Врз основа на овој принцип работиме и на решавање на спорот со Бугарија, посочи Груби.
„Ние овде заедно во оваа држава, во ова Собрание, пратениците преку одобрувањето на Охридскиот договор ги запечативме основите на еднаквоста на сите заедници, македонската, албанската, босанската, влашката, српската, ромската заедница, а потоа го отворивме патот за членство во НАТО преку Договорот за добрососедство со Грција и станавме дел од НАТО, го затворивме и спорот со Србија преку автокефалноста на православната црква и убедени сме дека ќе ја решиме и последната пречка што ќе го отклучи нашето членство во Европската Унија, но секогаш без никаква дилема со почитување на целосниот историски, културен и јазичен идентитет на нашите сограѓани Македонци“
потенцира Груби.
Првиот вицепремиер во обраќањето рече дека не треба да се заборави минатото туку дека треба да соберат сили, да се подаде раката на помирувањето, да се бориме против деструктивните идеологии на предрасудите, омразата и слепиот национализам.
„Многу мрачни периоди на непријателства видоа нашите земји, многу невина крв се пролеа и конечно се разбудивме, градиме мир меѓу себе во корист на идните генерациите. Една од оние трагедии што секој Јули не потсетува на болните доживувања на Бошњаците е геноцидот во Сребреница во 1995 година. Ќе поминат многу години и векови, оваа голема трагедија која резултираше со убиство на околу 8.000 невини луѓе ќе остане засекогаш запаметена“
истакна рвиот потпретседател на Владата и министер за политички систем и односи меѓу заедниците.