Груби денеска го предде овој документ во Државниот архив
Првиот вицепремиер и министер за политички систем и односи меѓу заедниците, Артан Груби денеска во Државниот архивго предаде оригиналниот документ на Охридскиот рамковен договор, кој 20 години од потпишувањето не беше архивиран.
„По две децении, по 20 години, оригиналниот документ на Охридскиот Договор, потпишан од 7-те негови потписници, конечно успеавме да го пронајдеме и да го доставиме до местото каде што припаѓа, во Државниот архив. Многу сум благодарен на директорот и заменик -директорот за денешната средба и можноста да го доставам оригиналот на овој документ до местото каде што треба да се архивира“,
рече Груби.
Според него, оваа мисија е веќе завршена и оригиналниот документ е на вистинското место.
„Мисијата на Министерството што го водам, во текот на оваа година, на 20 -годишнината од Договорот беше да се пронајде оригиналот на овој договор што го потпишаа 7 лица, 5 лидери на институции од нашата земја и двајца меѓународни преставници Џејмс Пердју и Франсоа Леотар, едниот од САД, другиот од Европската Унија, бидејќи секоја година на годишнината од Охридскиот договор главна вест беше каде е оригиналниот Охридски договор и тоа се толкуваше како негрижа на државата кон самата важност на Охридскиот договор“,
рече Груби.