По пристигнувањето на аеродромот во Париз, Тунберг го обвини Израел за нелегално дело со тоа што ги киднапирал во меѓународни води и против нивна волја, носејќи ги во Израел, држејќи ги на дното од бродот и не дозволувајќи им да излезат
Израел соопшти дека ја депортирал шведската активистка Грета Тунберг, еден ден откако бродот со помош за Газа на кој била таа и уште 11 лица биле беше пресретнати од израелските сили во Медитеранот, пишува Би-би-си.
Тунберг го напушти Тел Авив денеска со лет за Франција откако се согласила да биде депортирана, соопшти израелското Министерство за надворешни работи.
Министерството објави фотографија од Тунберг како седи во авион.
Greta Thunberg just departed Israel on a flight to Sweden (via France). pic.twitter.com/kWrI9KVoqX
— Israel Foreign Ministry (@IsraelMFA) June 10, 2025
По пристигнувањето на аеродромот во Париз, Тунберг го обвини Израел за „нелегално дело со тоа што нè киднапирал во меѓународни води и против наша волја, носејќи нè во Израел, држејќи нè на дното од бродот, не дозволувајќи ни да излеземе и така натаму“.
„Но, тоа не е вистинската приказна овде, вистинската приказна е дека во Газа се случува геноцид, а систематскиот глад по опсадата и блокадата сега е спречен, што води до храна, лекови, вода – кои се очајно потребни за да се влезе во Газа“,
додава таа.
На прашањето зошто е слободна додека другите се уште се притворени, Тунберг рече дека е „малку нејасно“.
Додаде рече дека таа и некои други потпишале документ во кој се вели дека сакаат да се вратат што е можно поскоро, но не прифаќаат дека влегле во земјата нелегално, но други не го потпишале овој документ.
Таа додаде дека не можела да се збогува со колегите активисти пред нејзината депортација и не е сигурна што се случува со нив.
„Многу сум загрижена за нив“,
рече таа.
Франција соопшти дека пет од шесте француски државјани приведени заедно со неа одбиле да ги потпишат своите налози за депортација и сега ќе бидат предмет на судска постапка, пишува Би-би-си.
Коалицијата „Флотила на слободата“ (FFC), активистичката група што управува со јахтата „Мадлин“, побара итно ослободување на сите приведени.
Бродот беше пресретнат вчера додека активистите се обидуваа да достават симболична количина помош во Газа, спротивставувајќи се на поморската блокада на Израел и истакнувајќи ја хуманитарната криза таму.
Израелското Министерство за надворешни работи во објава на социјалната мрежа Икс напиша дека патниците на бродот, кој го нарекоа „Селфи јахта“, се пристигнати на аеродромот „Бен Гурион“ за да заминат од Израел и да се вратат во своите матични земји.
The passengers of the “Selfie Yacht” arrived at Ben Gurion Airport to depart from Israel and return to their home countries.
— Israel Foreign Ministry (@IsraelMFA) June 10, 2025
Some of the “Selfie Yacht” passengers are expected to leave within the next few hours.
Those who refuse to sign deportation documents and leave Israel will… pic.twitter.com/szEHmd0rS0
Од министерството додаваат дека оние што ќе одбијат да потпишат документи за депортација и да го напуштат Израел ќе бидат изведени пред судски орган, во согласност со израелскиот закон, за да се одобри нивната депортација.