Портпаролот на грчката влада Павлос Маринакис рече дека ќе се формира комисија за истрага на она што се случи вчера со учество на пет члена, како претставник на Националната комисија за телекомуникации, претставник од Управата за цивилна авијација, претставник од Генералштабот, претставник од европската организација Евроконтрол, за да има учество и на Европската Унија во оваа истрага, како и претставник од Националната комисија за кибербезбедност
Грчките власти не најдоа знаци на кибернапад во вчерашниот прекин на авиосообраќајот во Грција, кој настана по технички проблем во атинскиот информативен регион за летови.
Портпаролот на грчката влада Павлос Маринакис рече дека не била во опасност безбедноста на летовите.
„Според досегашните податоци, не постои ни најмала индикација дека говориме за некој кибернапад и ова морам да го повторам и да го нагласам. Целта е да се дадат одговори на сите нивоа, за сето она што се истражува од првиот момент, а паралелно веќе поголем временски период Министерството спроведува активности за модернизација на системот“,
рече Маринакис.
Посочи дека веднаш ќе се формира комисија за истрага на она што се случи вчера со учество на пет члена, како претставник на Националната комисија за телекомуникации, претставник од Управата за цивилна авијација, претставник од Генералштабот, претставник од европска организација Еуроконтрол, за да има учество и на Европската Унија во оваа истрага, како и претставник од Националната комисија за кибербезбедност.
Според планот на Министерството за транспорт и инфраструктура, како што рече, треба сите системи постепено да се заменат со понови, но нагласи дека тоа не значи дека со постојните системи не се почитуваат безбедносните протоколи.
За неколкучасовниот целосен прекин во авиосообраќајот во Грција, тамошното обвинителство нареди итна прелиминарна истрага што ќе ја води Одделот за електронски криминал, со цел да се испита дали е извршено кривичното дело опасно попречување на воздушниот сообраќај, а доколку се потврди дека имало попречувања на речиси сите фреквенции на грчкиот воздушен простор, да се утврди нивното потекло.