Поради безбедносни причини, Чешка и Австралија привремено ги затворија амбасадите во Иран
Граната вчеравечер експлодираше во резиденцијата на норвешкиот амбасадор во Тел Авив, изјави израелскиот министер за надворешни работи Гидеон Саар.
Во инцидентот, како што додаде, нема повредени.
На социјалната мрежа Икс напиша дека го осудува овој инцидент.
„Пред малку разговарав со норвешкиот амбасадор во Израел, Пер Егил Селваг, во чиј двор вечерва беше фрлена граната. Остро го осудувам ова сериозно и опасно злосторство“,
напиша тој.
שוחחתי לפני שעה קלה עם שגריר נורבגיה בישראל פר אגיל סלבאג, שלחצר ביתו הושלך הערב רימון רסס. אני מגנה בחריפות פשע חמור ומסוכן זה.
— Gideon Sa'ar | גדעון סער (@gidonsaar) June 19, 2025
אני משוכנע שמשטרת ישראל תפעל בנחישות לאתר בהקדם את הפושעים שביצעו זאת על מנת שתמוצה עימם מלוא חומרת הדין.
Во соопштение на норвешкото Министерство за надворешни работи се наведува дека контактирале со амбасадата и оти во инцидентот не е повреден дипломатски персонал.
Израелската полиција соопшти дека започнала истрага за инцидентот, што предизвикал мала материјална штета.
Во меѓувреме, поради тековниот конфликт меѓу Израел и Иран, Чешка привремено ја затвори својата амбасада во Техеран, објави Радио Прага.
Одлуката ја донесе министерот за надворешни работи Јан Липавски. Воспоставен е телефонски број за чешки граѓани во Исламската Република на кои им се потребни итни конзуларни услуги.
И австралиската министерка за надворешни работи Пени Вонг изјави дека амбасадата на земјата во Техеран е затворена поради влошувањето на безбедносната ситуација во Иран.