Поради високи температури, кои во одредени делови на земјата ќе достигнат и над 40 степени, од ЦУК апелираат до граѓаните да ги почитуваат мерките за одговорно однесување на отворен простор
До 14 часот на територијата на државата се активни шест пожари, информираат од Центарот за управување со кризи (ЦУК).
Гори во Општина Василево, кај селото Нивичино, на две места во Македонски Брод, од кои на едното место кај селото Грешница, а на другата меѓу селата Црешнево, Локвица и Крапа, како и во Општина Прилеп, меѓу селата Царевиќ, Смолани и Радобил.
Во Ресен гори кај селото Волкодери кај местото викано Сирхан. Во Желино, пак, пожар има кај селото Церово.
Како што информираат попладнево од ЦУК, под контрола се ставени два пожари, едниот во Општина Дојран, кај селото Николиќ, а другиот во Велес кај селата Џидимирци, Крушје и Иванковци.
Изгаснат е пожарот во Општина Желино кај селото Групчин.
Како што пренесува МИА, според информации на Општината Ресен, два „ертрактори“ попладнево го гаснеа пожарот што избувна во атарот на преспанските села Езерани, Волкодери и Покрвеник.
Поради високи температури, кои во одредени делови на земјата ќе достигнат и над 40 степени, од ЦУК апелираат до граѓаните да ги почитуваат мерките за одговорно однесување на отворен простор.
„Ги потсетуваме граѓаните да бидат внимателни на отворен простор, бидејќи и мало невнимание може да предизвика пожар од големи размери. Доколку забележат сомнително однесувањее од одредени лица или видат чад или оган на отворено веднаш да пријават на бесплатниот телефонски број – 112“,
информираат од ЦУК.