Ова е пораката што по повод 13 Ноември ја испрати градоначалникот Орце Ѓорѓиевски на традиционалната средба со претставници од Градскиот одбор на Сојузот на борците од Народноослободителната антифашистичка војна на Македонија
Хероите се бореа за идеја, за достоинство, за иднина и за Скопје какво што денес го имаме, a нашата должност е да ја чуваме нивната жртва жива и да го градиме Скопје како град на слободни, горди и обединети луѓе. Ова е пораката што по повод 13 Ноември ја испрати градоначалникот Орце Ѓорѓиевски на средбата со претставници од Градскиот одбор на Сојузот на борците од Народноослободителната антифашистичка војна на Македонија.
„Им се заблагодарив за нивната пожртвуваност и храброст да го чуваат жив споменот на борците кои го положија животот пред олтарот за слободно Скопје На денешен ден, Скопје ја дочека слободата донесена од 42. и 50. народноослободителна дивизија на македонската војска и 16. македонска бригада, по неколкудневни тешки борби со фашистичкиот окупатор. Вечна слава на хероите кои го донесоа 13 Ноември!“,
порача Ѓорѓиевски.
Скопје денеска одбележува 81 година од ослободувањето во Втората светска војна.