Пожарот избувна во понеделникот во близина на градот Хемет, југоисточно од Лос Анџелес, и изгоре повеќе од 1 600 хектари. Изгореа неколку згради, а училиштата во областа беа затворени
Најмалку две лица загинаа, а илјадници се принудени да ги напуштат своите домови поради шумски пожар на подрачјето на Лос Анџелес во Калифорнија, каде жителите се соочуваат со екстремно високи температури.
Според првиот извештај на пожарникарите, едно лице е хоспитализирано со тешки изгореници.
Пожарникарите повикаа на евакуација на повеќе од 3 000 жители, а во исто време властите предупредуваат на можност од прекин на снабдувањето со електрична енергија.
Пожарот избувна во понеделникот во близина на градот Хемет, југоисточно од Лос Анџелес, и изгоре повеќе од 1 600 хектари. Изгореа неколку згради, а училиштата во областа беа затворени.
Пожарот „се прошири многу брзо, пред да пристигнат пожарникарите“, објави на Твитер портпаролот на пожарникарите.
Покрената е истрага за утврдување на причините за пожарот. Во исто време, компанијата за снабдување со електрична енергија Јужна Калифорнија Едисон пријавила прекин во моментот на пожарот во областа. Таа компанија веќе платила милијарди долари за пожарите во Калифорнија предизвикани од нејзината лоша инфраструктура.