Во Запорошката Област, станбени згради беа оштетени, а 11 лица беа повредени, вклучувајќи шест деца, соопшти гувернерот Иван Федоров
Повеќе украински региони беа ставени под итни прекини на електричната енергија по уште еден масовен руски напад со ракети и беспилотни летала врз цивилната и енергетската инфраструктура, објави „Киев индепендент“.
„Ако моментално имате електрична енергија, ве молиме користете ја штедливо“,
соопшти државната компанија за електрична енергија „Укренерга“.
Воздушни напади синоќа имало низ целата земја, додека украинските воздухопловни сили следеле беспилотни летала „шахед“, крстосувачки и балистички ракети и хиперсонични ракети „кинжал“.
Another difficult night in Ukraine. The country was attacked by drones, hypersonic, ballistic, and cruise missiles that struck power grids from Kyiv to Lviv. In Zaporizhzhia, a dormitory lies in ruins, with at least 13 people injured, including six children aged 3 to 6. Railway… pic.twitter.com/94hnpporoF
— Гюндуз Мамедов/Gyunduz Mamedov (@MamedovGyunduz) October 30, 2025
Во Запорошката Област, станбени згради беа оштетени, а 11 лица беа повредени, вклучувајќи шест деца, соопшти гувернерот Иван Федоров.
Во Бориспиљ, Киевска Област, 36-годишна жена била ранета во напад со беспилотно летало. Локалните власти соопштија дека избувнал пожар во куќа и дека станбени згради биле оштетени.
💔 Russia attacked a dormitory in Zaporizhzhia region. Several floors were destroyed, four people were injured. pic.twitter.com/zDNR4AR5Cj
— The Ukrainian Review (@UkrReview) October 30, 2025
Експлозии биле пријавени и во регионите Хмелницки и Ивано-Франкивск, далеку од линијата на фронтот во западна Украина.
Градоначалникот на Ивано-Франкивск, Руслан Марцинкив, потврди дека воздушната одбрана е активна во градот и предупреди дека може да има прекини во снабдувањето со електрична енергија поради руските напади врз енергетската инфраструктура.
Русија редовно ги напаѓа украинските градови и клучната инфраструктура со ракети и беспилотни летала, додека Москва ја продолжува својата војна против Украина.
На 27 октомври, Ројтерс, повикувајќи се на нов извештај на Обединетите нации, презентиран на Генералното собрание, објави дека руските беспилотни летала ги прогонувале и ги принудувале цивилите да ги напуштат своите домови во близина на фронтовската линија.
Најмалку девет цивили беа убиени, а 45 беа повредени во руските напади на 26 октомври, соопштија регионалните власти.