Министерката за одбрана информираше дека Владата и релевантните институции се во целосна координација со цел заштита на безбедноста на македонските граѓани
Министерката за одбрана, Славјанка Петровска во интервју за ТВ 24 вели дека државнот врв во целост и совнимание ја следи состојбата. Според неa, поставувањето на вооружени сили кон украина е провокативно и дестабилизирачки влијае.
Македонија, според Петровска во целост го подржува територијалниот интегритет на Украина. Разогорување на било каков конфликт не може да ја реши состојбата.
„Во целост ги поддржуваме напорите кои се одвиваат во рамките на НАТО Алијансата и на ОБСЕ за надминување на оваа ситуација. Ова поставување на вооружените сили сметаме дека е провокативно и дестабилизирачко дејствување, коешто всушност ја намалува безбедноста на европскиот континент, а тоа, впрочем, не е целта за којашто сите се залагаме“,
вели Петровска.
Министерката за одбрана информираше дека Владата и релевантните институции се во целосна координација со цел заштита на безбедноста на македонските граѓани.