Гир: Три чекори до меѓувладина конференција со ЕУ

Според евроамбасадорот, треба да се удвојат напорите за решение со Бугарија, да продолжат реформите и да се усогласи преговарачката рамка

Треба да се удвојат напорите меѓу С Македонија и Бугарија, да продолжи реформскиот процес и на крајот треба да се усогласи преговарачката рамка меѓу 27 земји-членки. Овие три чекори ги посочи денеска евроамбасадорот Дејвид Гир во врска со прашањето кога е можна меѓувладината конференција за почеток на преговорите на С Македонија со ЕУ.

„Јас ја разбирам фрустрацијата поради непочнувањето на преговорите со вашата земја. Во таква ситуација и во такви околности најдоброто решение и најдобриот пат напред е да можат да се удвојат напорите помеѓу двете земји со цел да може да се дојде до договор што ќе биде прифатлив за Северна Македонија и за Бугарија. Се разбира, тоа и го прават Северна Македонија и Бугарија. Тие се ангажирани цело време на начин да можат да дојдат до заемно прифатливо решение, заемно прифатлив договор“,

рече евроамбасадорот.

Борисов до Османи: Мора да се решат сите противречности меѓу Бугарија и С Македонија

Тој порача дека втора работа што треба да ја направи земјава е да продолжи со имплементација и реализација на процесот на реформите.

Од услуги за граѓаните, преку правосудство до климатски промени, Владата објави како до „Европа дома“ со конкретни рокови

„Со други зборови, тоа би значело Владата да продолжи со имплементација на процесот на реформите. Имплементација токму на тие реформи што ќе ја приближат земјата до ЕУ и, се разбира, ќе доведе до крајната цел – полноправно членство во ЕУ“,

истакна Гир.

Тој потсети дека следниот чекор е усогласување на преговарачката рамка помеѓу сите 27 земји членки на ЕУ, што не се случи при крајот на минатата година поради немање едногласност, односно поради блокадата од Бугарија.

Бугарија ја поддржа преговарачката рамка за Албанија – за С Македонија не се исполнети бугарските услови, изјави Захариева